konka coffee
KONKA

AMAKURU

UKWEZI

Umusore w’umunyarwanda wabaye indashyikirwa yaganiriye na Barack Obama na Zuckerberg

Umusore w’umunyarwanda wabaye indashyikirwa yaganiriye na Barack Obama na Zuckerberg
26-06-2016 saa 06:07' | By Chief Editor | Yasomwe n'abantu 12915 | Ibitekerezo 2

Umunyarwanda, Jean Bosco Nzeyimana, mu mpera z’iki cyumweru yagiranye ikiganiro na Perezida Barack Obama wa Leta Zunze Ubumwe za Amerika hamwe n’umuherwe Mark Zuckerberg washinze urubuga rwa facebook mu nama yigaga ku byo kwihangira imirimo.

Jean Bosco Nzeyimana, ni umusore w’umunyarwanda ukiri muto washinze kompanyi yitwa Habona Ltd ikora ibicanwa bya biyogazi bihendutse ndetse n’ibindi birimo n’ifumbire mvaruganda ifasha abahinzi mu gufumbira imyaka yabo, ibi byose iyi kompanyi ikaba ibikora mu myanda.

Mu mwaka ushize wa 2015, yatsindiye igihembo cyitwa USADF YALI Grant gitangwa n’umuryango w’Abanyamerika wita ku iterambere ry’umugabane wa Afurika (United States African Development Foundation), gihabwa ba rwiyemezamirimo b’abanyafurika bahize abandi mu kwihangira imirimo, bimufungurira amarembo yo kurushaho gutera imbere anahesha ishema igihugu cye.

Icyo gihembo cya Jean Bocso Nzeyimana kandi si ishema gusa kuko cyari kirimo n’akayabo k’amadolari ya Amerika 25,000 (Asaga 20.000.000 uyabaze mu mafaranga y’u Rwanda) yo gukomeza guteza imbere no kwagura ibyo akora.

Ibi byamuhesheje amahirwe anyuranye haba mu by’ubukungu, mu byo kwiyungura ubumenyi n’ibitekerezo by’abandi bantu bakomeye, bikaba ari no muri urwo rwego yagiranye ikiganiro na Perezida Barack Obama n’umuherwe Mark Zuckerberg hamwe n’urundi rubyiruko rw’indashyikirwa, ubwabyo ibi bikaba ari amahirwe akomeye cyane kuri we, bikaba n’ishema ku Banyarwanda.

JPEG - 51.9 kb

Nzeyimana Jean Bosco wo mu karere ka Nyamagabe, ni umusore w’imyaka 23 gusa y’amavuko warangije amashuri y’icyiciro cya kabiri cya Kaminuza mu mwaka ushize wa 2015, ariko muri 2013 nibwo yashinze iyi kompanyi ubwo yari akiri umunyeshuri. Habona Ltd ifite abakozi 30 bahoraho ndetse n’abasaga 50 b’abanyabiraka.


INKURU ZA :
Tanga Igitekerezo
Ibitekerezo 2
bakunda.nyamwuzuza Kuya 25-10-2016

azokomeze Imana imuje imbere

bakunda.nyamwuzuza Kuya 25-10-2016

azokomeze Imana imuje imbere

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...