konka coffee
KONKA

AMAKURU

UKWEZI

Whatsapp igiye kuzana ikoranabuhanga rishya rizatabara abinyuragamo

Whatsapp igiye kuzana ikoranabuhanga rishya rizatabara abinyuragamo
18-04-2017 saa 12:23' | By Chief Editor | Yasomwe n'abantu 7842 | Ibitekerezo 1

Kwibeshya ni ibya buri wese kandi ngo akarenze umunwa karushya ihamagara. Ku rubuga nkoranyambaga rwa Whatsapp naho ubutumwa bwoherezwaga bwabaga nk’ako karenze umunwa, ariko ubu bigiye guhinduka kuko ikoranabuhanga rishya Whatsapp igiye kuzana, rizajya rigufasha gusiba ubutumwa wari wamaze koherereza umuntu, n’iyo bwaba bwamugezeho atarabusoma ntaze kumenya ko wari wamwandikiye. Niwibeshya ukohereza ubutumwa bwawe ku muntu utari ubugenewe, nabwo uzaba ufite amahirwe yo kwisubiraho ukabusiba ukamwambura ububasha bwo kubusoma, ariko ibi byose bizajya bikundira ubikora bwangu.

Ikoranabuhanga rishya Whatsapp igiye kuzana mu minsi ya vuba, rizajya rifasha abakoresha uru rubuga nkoranyambaga gusiba ubutumwa bamaze kohereza mu gihe babonye ko bibeshye bakandika amakosa cyangwa bakandikira ubutumwa umuntu utari ubugenewe. Ibi ariko bizajya bikorwa mu gihe kitarenze iminota 5 ubwo butumwa bumaze koherezwa.

Ubu buryo bwanagaragaye igihe gito mu minsi ishize mu rwego rw’igerageza, ntabwo buzajya bushoboka mu gihe uwandikiwe ubutumwa yahise abusoma, kuko n’ubundi bizaba byarangiye uwibeshye azaba yisamye yasandaye. Nyamara mbere y’iminota 5 ubutumwa bwoherejwe, n’iyo bwaba bwageze ku wo bwohererejwe ariko atarabusoma, uwabwohereje azaba ashobora kubusiba no muri telefone y’uwari wabwohererejwe buhite busibamamo nk’uko inkuru dukesha Daily Mail ibishimangira.

Ubu buryo nibutangira gukora, uwohereje ubutumwa agahita abona ko yibeshye, azaba asabwa gusa gukanda kuri ubwo butumwa maze mu byo abona ahitamo ko agomba kubukorera (Option) akabonamo n’akajambo kamwemerera kubuhagarika (unsend) ubundi nagakandaho bihite bituma uwabwohererejwe ataza kububona.

Ubu buryo kandi buzagira hanze rimwe n’ubundi buryo buzajya butuma bitoroha kubeshya uwo mwandikirana ku rubuga rwa Whatsapp, kuko azajya abasha kubona agace uherereyemo. Gusa ubu buryo bwo, ukoresha whatsapp afite uburenganzira bwo guhisha aho aherereye nk’uko ashobora guhisha ifoto ye cyangwa guhisha abandi ibijyanye n’amakuru y’uko yasomye ubutumwa bamwoherereje cyangwa se atabusomye, kandi ubibujije abandi nawe ntaba yemerewe kumenya ibyabo


INKURU ZA :
Tanga Igitekerezo
Ibitekerezo 1
ishimwe jonathan Kuya 3-05-2017

ibi ni byiza rwose kuko harigihe wibeshyaga ukandikaga nabi nyiri kwakira ubutumwa akaba yagirango ntuzi kwandika.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...